My Confession: My first love cheated with my friend

STAR, me say a girl break me heart from high school days, and all now me cyaa get ova it because me neva know say one gyal coulda wicked to me so.

Me and this girl start talk from first form. Me did love the browning, you see! She was the sexiest girl in the whole school. Her nickname was 'Mother Crab' because her bottom was huge.

To how me did serious bout this girl, all me grand- parents dem meet har. She come a me yard regular so till it seemed like she was a part of the family. Even mi friend dem did love har because she was really cool, and could hold a vibes and reason intelligent.

We go right through high school, tight same way, and me start make wedding plans soon after we graduate because I really thought she was the one. In the process, she got pregnant, and me did start fret because me really neva financially prepared fi a baby but, to how me family love the girl, dem sort out everything fi the baby.

When me say everything, me mean everything! Mi auntie even take the girl a foreign fi two weeks fi shop fi the baby. Everybody was excited about the baby. But, STAR, when the baby born, it look exactly like me best friend. STAR, me say the baby was a photocopy of me bredren.

Even when me carry the baby go a me house, me family a say the baby no have none a we family marks. So me start question the girl and pressure har until she break down and start cry and confess to me say she did a do thing with me best friend. Oh, God, all now me heart still hurt me when me remember.

From deh so, me tell miself say me will never be faithful to another woman because dem too wicked. Heartbreak nah catch me again.